Il furlan "queneau" ti stufe

Savê che No dome modòn e je une frase che si pues lei cul istès signicât sei tacant di çampe sei di drete, no ti cambie la vite. Rivâ a meti adun trente riis di prose cence doprâ mai la letare a no ti dà il Nobel.
Scuvierzi che lâ tal mar a fâs mâl plui che un prejudizi e je une frase che e dopre simpri la stesse vocâl no ti insiore la cognossince interiôr. Si clame zuiâ cu lis peraulis. Lu à ispirât, cence nancje savêlu, Raymond Queneau (si lei "chenò") cul so laboratori di leterature potenziâl (Oulipo), e al è conseât une vore, massime in câs di: alergjie a lis gramatichis, ae koinè, a lis coniugazions e a lis grais istituzionâls; sossedàrie;
no savê ce fâ; spietis lungjiis dal miedi, dal tren o dal autobus; pierdite dal celulâr; nàusie de television.
Tignîlu a tîr dai fruts.