Von Salzburg über Ladinien und das Aostatal bis Sizilien. Wo sich Geolinguistik, Dialektometrie und Soziolinguistik treffe.

L'Istitut Ladin y su? colauradus á tut sö cun ligrëza l'idea da dé fora chësta publicaziun por ti fá festa a Roland Bauer, n linguist che n'á nia ma conscidré le lingaz ladin coche n oget de su? stu?di, mo che á dagnora ince ciaré da sostigní la "chestiun ladina" cun su?es inrescides y publicaziuns. Cun so laur ál daidé pro che tröc studiá te döta l'Europa s'interessass deplu? de nosc pice lingaz, ci che á ince renforzé su?es fondamëntes. Ince por mirit de Roland Bauer tol ite les publicaziuns dl Istitut Ladin contribuc scric por talian, todësch y inglesc.



Tl 1985, canch'an â invié ia le proiet ambizius dl ALD - Atlant linguistich dl ladin dolomitich y di dialec vejins, ê Roland Bauer rové por le pröm iade tl Istitut Ladin Micurá de Ru? a San Martin, coche mëmber dl grup de laur mené dal prof. Hans Goebl. Da dailó inant é le festejé dagnora romagnu? lié al lingaz ladin y al Istitut. Ince porchël ál tl 2008 surantut ion la funziun da diretur editorial dla revista "Ladinia", che vëgn incö aratada öna dles revistes scientifiches de livel plu? alt de döt le raiun tirolesc. Chësta publicaziun é cis importanta por i ladins, deach'ara é poester le stromënt prinzipal che dëida fá conësce i argomënc culturai y linguistics dla mendranza danter porsones studiades de döt le monn. Sce la revista "Ladinia" á ciafé tres deplu? prestisc, spo él ince gran mirit dl laur redazional de Roland Bauer y di passa 40 contribuc ch'al instës á intratan publiché laite.